Jaiseri Writes

तिर्खाएको आत्मा अघि आँत खै के हो र ? लड्दा हात नसमाउने जमात खै के हो र ? यहाँ युगौँको बाचा हार्नेहरु, तमाम छन् प्रिय जाबो एक रातको साथको बात खै के हो र ? ******** मायाले आत्माको तिर्खा मेटाउँछ । पानीले घाँटिको तिर्खा मेटाउँछ । पानी जताततै भेटिन्छ । कम से कम निश्चित मोल तिरेर किन्न पाइन्छ । त्यसैले घाँटिको तिर्खा मेट्न सजिलो छ । साँचो माया पाउन गाह्रो छ । चटकेहरुले बेच्न राखेका यौनशक्तिबद्र्धक शीलाजितहरु जस्ता नौजाले माया छ्यापछ्याप्ती पाइन्छन् । तर चिरस्थायी रहने वा भनौ जुनी रहुन्जेल बाँच्ने माया पाउन गाह्रो छ । त्यो माया किनेर पनि पाइन्न । खोजेर पनि पाइन्न । त्यसैले आत्माको तिर्खा मेट्न गाह्रो छ । आत्माको तिर्खाका सामु घाँटि (आँत)को तिर्खाको कुराले उति महत्व राख्दैन । तनको प्यास भन्दा मनको प्यासले मानिस बढि छट्पटाउँछ । ‘तिर्खाएको आत्मा अघि आँत खै के हो र ?’  ******** केहि दिन अघि भोको पेटमा कार्यालय जान खोज्दा निके बेर उभिनु प¥यो । रक्तचाप कम भएका कारणले बस्ने बित्तिकै ढलेँ । करीब १५ मिनेट जति त्यसै छटपटाएँ होला । असिना पसिना भयो । सहयोग गर्न कोहि अघि बढेनन् ...

छनलाई त थुप्रै छन्, दिनालई साथहरु सबैसँग कहाँ मिल्नु, तिम्रो जस्तै बातहरु दिन त सहजै बित्छन्, जसो तसो गरी अप्ठ्यारा त तिम्रा यादले भरिएका रातहरु कसम तिम्लाई दोष दिनु मेरो ध्येय होइन याद आउँछन् हरेक पल्ट, आफ्नै भुलका खातहरु हिउँद अझै बाँकि थिए, शिशीर र वसन्त नि बाँकि सँगै रुझ्नलाई साँचेका ती वर्षातहरु तिम्रो साथको घुर्कि लाउँथे एक्लो हुन डर थेन गिज्याउँछन् अचेल मलाई परिचित त्यै जमातहरु

एक्लै बाँची हेरुँ भन्दा, ऊ आउँछे सपना देखिन्छ आधी बाटै छोडी जान्छे, दुःख लाग्छ गजल लेखिन्छ जिन्दगी त त्यसै त्यसै, अलमल गर्दै बित्ने भयो बाचा गर्ने सबै थिए, साथ पो त खै कसले दिन्छ ? केटो किन्दा घर–बार, सित्तैमाको चलन छ अझै घर्बार्–रोज्गार् बिना माया, मात्र यहाँ त खै कोले किन्छ ? ‘त बिना म मरिहाल्छु’, मलाई भन्थे जति नै सबै देखे तिनैद्वारा झनै, धनका लागी मन टेकिन्छ । 

बाबुरामले दिनभरी ढुङ्गा बोकेको अनि प्रचण्डले गलले खन्दा अग्नी सापकोटाले माटो निकालेको समाचारहरु संचार माध्यममा छाउँदा नेपालमा पनि परोपकारको प्रतिस्पर्धै सुरु भएको प्रष्टै देखिन्छ । भूकम्पले ल्याएको एउटा सकारात्मक परिवर्तनको रुपमा यो परोपकारी प्रतिस्पर्धालाई पनि लिन सकिन्छ । सुरुमा सबै हताहत भएपनि पछिका दिनमा राहतमा अघि सरेका अनि उद्धारमा लागेकाहरुको तस्वीरले सामाजिक सञ्जालका भित्तो कहिल्यै खाली भएन । यसका बारेमा अनेकानेक टिका टिप्पणीहरु पनि सुरु भए । सानो सहयोग गरेर बढि प्रचार गरेको भन्ने कुराहरु पनि आए । तर यसको सकारात्मक पक्ष के भइदियो भने यसले सबैमाथि एकखाले नैतिक दबाब पारिदियो । सबैले आफूलाई ‘मैले के गरेँ ?’ भनेर सोध्ने मौका पाए । र त्यही प्रश्नको उत्तरको खोजीमा धेरैले परोपकारमा समय पनि खर्चे । यसरी परोपकारमा लाग्ने राजनीतिक दलहरुमा नेकपा एमाले र नेपाली कांग्रेस पनि थियो । एमाले सम्बद्ध युवासंघ पनि अहिले मैदानमा खटिएको छ । ‘आफ्नो गाउँ आफै बनाउँ’ भन्दै उनीहरु प्रभावित जिल्लाहरुमा खटिएका हुन् । त्यस्तै कांग्रेसका युवा नेता गगन थापा नुवाकोटमा ४० टहरा बनाएर फर्केको समाचार पनि सामाज...