देशलाई अनिर्णयको बन्दी बनाउनेहरु
Image source: BBC देशमा प्रजातन्त्र आएको भनेको निकै धेरै भइसक्यो । ००७ सालमा पहिलो पटक देशले प्रजातन्त्रको स्वाद चाख्ने मौका पायो । त्यसको मनग्गे अभ्यास हुन नपाउँदै १७ साल देखि पञ्चायति व्यवस्था सुरु गरियो । पञ्चायती व्यवस्थाले प्रजातान्त्रिक अभ्यासलाई दशकौँ सम्म रोक लाएपछि ४६ सालमा फेरी प्रजातन्त्रको पुनरागमन भयो । ६२÷०६३ को जनआन्दोलनले त निरंकुशताको अन्तिम कडि भनेर मानिएको राजतन्त्रलाई समेत विदा गरेर जनताको शासनको शुनिश्चितता ग¥यो । देशमा सम्बिधान निर्माणको उद्देश्यले दुई पटक सम्म निर्वाचन भए । दुबै पटक जनतासामु बाचा गरिएका मिति नाघिए । जसो तसो १६ बुँदे मार्फत संविधान आउने तर्फ केहि ठोस कदम के अगाडि बढेको थियो सो कदमलाई तुहाउन हरेक क्षेत्र र तप्काबाट मानिसहरु ज्यू ज्यानले लाग्न थाले । कहिले सिमांकन सहितको प्रदेशको बखेडा त कहिले धर्मका नाममा कचिंगल । नागरिकताको सवाल त अझै त्यस्तै छ । विरोध गर्नका लागी नेपालीहरुले जति मिहिनेत र समय खर्चन्छन् त्यति मिहिनेत र समय समाजाममा सकारात्मक परिवर्तनका लागी गरेको भए सायद देशको गति यो हुने थिएन । त्यसैका सन्दर्भमा केहि भनि हाल्न मन लाग्यो । स...